ഐറിഷ് ഖജനാവിലേക്ക് Garda National Drugs and Organised Crime Bureau (GNDOCB) ഈ മാസം 3.1 മില്യണ്‍ യൂറോ അടച്ചു. വിവിധ കുറ്റകൃത്യങ്ങളുമായി ബന്ധപ്പെട്ട് പിടിച്ചെടുത്ത പണമാണിത്.
മയക്കുമരുന്ന് വിതരണം അടക്കമുള്ള നിയമവിരുദ്ധ പ്രവര്‍ത്തനങ്ങള്‍ക്കായി കുറ്റവാളി സംഘങ്ങള്‍ ഈ പണം ഉപയോഗിക്കാനിരുന്നതായി ഗാര്‍ഡ വ്യക്തമാക്കി. അന്താരാഷ്ട്ര തലത്തില്‍ പ്രവര്‍ത്തിക്കുന്ന നിരവധി ക്രിമിനല്‍ സംഘങ്ങളില്‍ നിന്നുമാണ് ഈ പണം പിടികൂടിയത്.
മയക്കുമരുന്നിനായി ചെലവാക്കുന്ന തുക വലിയ കുറ്റകൃത്യങ്ങള്‍ക്ക് സാന്നിധ്യമാവുകയാണെന്നും, ചെറിയ അളവില്‍ മയക്കുമരുന്ന് വാങ്ങുന്നവര്‍ പോലും ഈ വലിയ കുറ്റവാളി സംഘങ്ങളെ സഹായിക്കുന്നതായി ഗാര്‍ഡ മുന്നറിയിപ്പ് നല്‍കി.
2015-ല്‍ Garda National Drugs and Organised Crime Bureau (GNDOCB) ഐറിഷ് നിയമ സംരക്ഷണ മേഖലയില്‍ പ്രവര്‍ത്തനമാരംഭിച്ച ശേഷം, ഇതുവരെ 20 മില്യണ്‍ യൂറോയിലധികം കുറ്റവാളികളില്‍ നിന്ന് പിടിച്ചെടുത്ത് ഖജനാവിലേക്ക് അടച്ചുവെന്ന് ഗാര്‍ഡ റിപ്പോര്‍ട്ട് ചെയ്യുന്നു.
Add comment
Comments