ശൈത്യകാലത്തിന്റെ മുന്നറിയിപ്പുമായി റോഡ് സേഫ്റ്റി അതോറിറ്റി

അയർലണ്ടിൽ ശൈത്യകാലം അടുത്തുവരുന്നതോടെ പൊതുജനങ്ങൾക്ക് മുൻകരുതൽ നടപടികളുമായി റോഡ് സേഫ്റ്റി അതോറിറ്റി (RSA) രംഗത്ത്.

റോഡുകളിൽ മഞ്ഞുവീഴ്ചയാൽ അപകടസാധ്യത ഉയരുന്ന സാഹചര്യത്തിൽ, RSA പരമാവധി ജാഗ്രത പുലർത്തണമെന്നാണ് പൊതുജനങ്ങളോട് അഭ്യർത്ഥിക്കുന്നത്.

വാഹനങ്ങൾ ശൈത്യകാലത്തിന് തയ്യാറാക്കുക
ശൈത്യകാലത്ത് വാഹനങ്ങളെ ബാധിക്കാൻ സാധ്യതയുള്ള പ്രശ്നങ്ങൾ പരിഹരിക്കുന്നതിന് ഇത് ശരിയായ സമയം. എല്ലാ വാഹനങ്ങളും ശൈത്യകാലത്തിന് മുൻപ് സർവീസ് ചെയ്തിട്ടുണ്ടെന്ന് ഉറപ്പാക്കുകയും അവയുടെ പ്രവർത്തനം സമഗ്രമായിട്ടുള്ളതായിരിക്കണം.

ടയറുകളുടെ നില പരിശോധിക്കുക
തണുപ്പുകാലത്ത് റോഡിലെ സുരക്ഷയ്ക്ക് ടയറുകളുടെ മികച്ച ഗ്രിപ്പ് അനിവാര്യമാണ്. തെയ്മാനത്തിൽ കുറവ് വന്നിട്ടുള്ള ടയറുകൾ അപകട സാധ്യത വർദ്ധിപ്പിക്കുമെന്ന് RSA മുന്നറിയിപ്പുനൽകുന്നു. ഒക്ടോബർ 7 മുതൽ 13 വരെ നടന്ന Irish Road Safety Week-ൽ Irish Tyre Industry Association (ITIA) സൗജന്യമായി ടയർ പ്രഷർ, ഗ്രിപ്പ് എന്നിവ പരിശോധിച്ച് പൊതുജനങ്ങളെ സഹായിച്ചിട്ടുണ്ട്.

ലൈറ്റുകൾ പ്രവർത്തനക്ഷമമാണെന്ന് ഉറപ്പാക്കുക
തണുത്ത കാലാവസ്ഥയിൽ മഞ്ഞുവീഴ്ച ഉയർന്നാൽ കാഴ്ചയിലേക്ക് വലിയ സ്വാധീനമുണ്ടാകാം. അത്തരം സാഹചര്യങ്ങളിൽ ഫോഗ് ലൈറ്റുകൾ ഉപയോഗിച്ച് റോഡിൽ ദൃശ്യമെന്നു ഉറപ്പുവരുത്തുകയും, എല്ലാ സിഗ്നൽ ലൈറ്റുകളും പ്രവർത്തനക്ഷമമാണെന്നു പരിശോധിക്കണം.

വെള്ളപ്പൊക്കം
മഴ കൂടിയാൽ റോഡുകളിൽ വെള്ളക്കെട്ടുകൾ ഉണ്ടാകാറുണ്ട്. അപകടകരമായ കുഴികൾ വെള്ളത്തിനടിയിൽ മറയാൻ സാധ്യതയുള്ളതിനാൽ ഇത്തരം ഭാഗങ്ങളിൽ വാഹനം ഓടിക്കരുതെന്നും RSA മുന്നറിയിപ്പ് നൽകുന്നു.

റോഡിൽ സുരക്ഷിത അകലം പാലിക്കുക
പുറകിലുള്ള വാഹനത്തിന് മുൻവാഹനത്തിൽ നിന്നും മതിയായ അകലം പാലിക്കാൻ ശ്രദ്ധിക്കണം. മഞ്ഞും നനവുമുള്ള സാഹചര്യങ്ങളിൽ ബ്രേക്കിംഗ് ദൂരം കൂടും, അതിനാൽ വേഗത കുറച്ച് സേഫ് ഡ്രൈവിംഗ് പാലിക്കുക.

കാലാവസ്ഥാ മുന്നറിയിപ്പുകൾ ശ്രദ്ധിക്കുക
കാലാവസ്ഥാ നിരീക്ഷണ വിഭാഗം നൽകിയ മുന്നറിയിപ്പുകൾ അവഗണിക്കരുത്. അമിതആവശ്യമായപ്പോൾ മാത്രമേ യാത്രയ്ക്ക് പുറപ്പെടാൻ പാടുള്ളൂ.

അമിതവേഗം ഒഴിവാക്കുക
വേഗതയാണ് അപകടങ്ങൾക്ക് പ്രധാന കാരണം. സുരക്ഷിതത്വത്തിനായി വേഗം നിയന്ത്രിക്കുക.

സീറ്റ് ബെൽറ്റ്, മൊബൈൽ ഫോൺ
യാത്രയ്ക്കിടെ സീറ്റ് ബെൽറ്റ് അണിയുക. ഡ്രൈവർ മാത്രമല്ല, യാത്രക്കാരും സീറ്റ് ബെൽറ്റ് ഉപയോഗിക്കണം. ഡ്രൈവിങ് ചെയ്യുമ്പോൾ മൊബൈൽ ഫോൺ ഒഴിവാക്കുകയും നിർബന്ധമാണ്.

ട്രാഫിക് സിഗ്നലുകൾ പാലിക്കുക
ട്രാഫിക് സിഗ്നലുകൾ പാലിക്കുന്നത് സർവ്വർക്കും സുരക്ഷ നൽകുന്നു.

കാൽനട യാത്രക്കാർക്ക് മുന്നറിയിപ്പ്
തണുപ്പുകാലത്തെ മഞ്ഞു റോഡിലും ഫുട്പാത്തിലും തെന്നലുണ്ടാക്കും, അതിനാൽ കാൽനട യാത്രക്കാർ വളരെയധികം ജാഗ്രത പുലർത്തണം.