റോഡ് സേഫ്റ്റി അതോറിറ്റി സേവന ഫീസ് വർദ്ധിപ്പിക്കുന്നു

റോഡ് സേഫ്റ്റി അതോറിറ്റി (RSA) നിരവധി സേവനങ്ങളുടെ നിരക്കുകൾ വർദ്ധിപ്പിക്കുന്നതായി പ്രഖ്യാപിച്ചു. ഇതിന്റെ ഭാഗമായി, ഡ്രൈവിങ് ലൈസൻസും, എൻസിടി സർവീസുകളും ഉൾപ്പെടെയുള്ള ചില പ്രധാന സേവനങ്ങൾക്ക് വർദ്ധിത ഫീസുകൾ നിലവിൽ വരും.ഡ്രൈവിങ് ലൈസൻസിന്റെ നിലവിലെ ഫീസ് €€55 മുതൽ €65 വരെ ഉയരും. അതുപോലെ, ലേണർ പെർമിറ്റിന്റെ ഫീസ്  €35 മുതൽ €45 വരെ വർദ്ധിപ്പിക്കപ്പെടും.

ഫുള്‍ എൻസിടിയുടെ ചെലവ് €55ൽ നിന്ന് €60 ആയും, വീണ്ടും ടെസ്റ്റ് നടത്തുന്നതിനുള്ള ഫീസ് €28ൽ നിന്ന് €40 ആയും ഉയരും.

കോമർഷ്യൽ വാഹനങ്ങളുടെ റോഡ് അർഹതാ പരിശോധനാ ഫീസ് മുൻ-വാറ്റ് നിരക്കിൽ നിന്ന് 15% വരെ വർദ്ധിപ്പിക്കുമെന്ന് അധികൃതർ വ്യക്തമാക്കിയിട്ടുണ്ട്. ഈ മാറ്റങ്ങൾ 2025 ജനുവരി 1 മുതൽ പ്രാബല്യത്തിൽ വരും.

പൊതുജന സേവനങ്ങൾ മെച്ചപ്പെടുത്തുന്നതിനും സർക്കാർ ചിലവുകൾ നികത്തുന്നതിനുമായി €18 ദശലക്ഷം ചെലവിടുന്നതിന്റെ ഭാഗമായാണ് ഈ ഫീസ് വർദ്ധനവ് നടപ്പിലാക്കുന്നതെന്ന് റോഡ് സേഫ്റ്റി അതോറിറ്റി അറിയിച്ചു. 2012 ശേഷം ആദ്യമായാണ് ഇത്തരം വില വർദ്ധനവ് ഉണ്ടാകുന്നതെന്നും RSA വ്യക്തമാക്കിയിട്ടുണ്ട്