ലോകാവസാനമോചൈനയില്‍ പൊട്ടിപ്പുറപ്പെടുന്നത് മറ്റൊരു മഹാമാരിയോ? എച്ച്എംപിവിയെ കുറിച്ച് അറിയേണ്ടതെല്ലാം

2019-ലാണ് ചൈനയിൽ ഒരു പുതിയ വൈറസ് പടർന്നു പിടിക്കുന്നതിനെ കുറിച്ചുള്ള വാർത്തകൾ പുറത്ത് വന്നത്. ആ സമയം ആരും കരുതിയിരുന്നില്ല അത് ലോകത്തെ തന്നെ നിശ്ചലമാക്കുന്ന ഒരു മഹാമാരിയായി മാറുമെന്ന്. COVID-19 വ്യാപനത്തിന് അഞ്ചു വർഷങ്ങൾക്കു ശേഷം, ചൈനയിൽ നിന്ന് മറ്റൊരു വൈറസ് ബാധയുടെ വാർത്തകൾ പുറത്തുവരുകയാണ്.

ഈ സമയം ഹ്യൂമൺ മെറ്റാന്യൂമോവൈറസ് (HMPV) കേസുകളുടെ എണ്ണം വർധിക്കുന്നുവെന്നാണു റിപ്പോർട്ടുകൾ സൂചിപ്പിക്കുന്നത്. സ്ഥിതിഗതികൾ ഗുരുതരമാണെന്ന് ചൂണ്ടിക്കാട്ടപ്പെടുന്നു. ചൈനയിൽ ഭീതിയുണ്ടാക്കുന്ന HMPVയെ കുറിച്ച് കൂടുതൽ അറിയാം.

എന്താണ് HMPV?

ഹ്യൂമൺ മെറ്റാന്യൂമോവൈറസ് (HMPV) ശ്വാസകോശ പ്രവർത്തനത്തെ ബാധിക്കുന്ന ഒരു വൈറസ് ബാധയാണ്. ഇത് ന്യൂമോണിയ വിഭാഗത്തിൽ ഉൾപ്പെടുന്ന ഒരു രോഗമാണെന്ന് യുഎസ് സെന്റർ ഫോർ ഡിസീസ് കൺട്രോൾ ആൻഡ് പ്രവൻഷൻ (CDC) വ്യക്തമാക്കുന്നു. കുട്ടികളിലും മുതിർന്നവരിലും ഉൾപ്പെടെ എല്ലായുപരിയും ഈ വൈറസ് ബാധിക്കുന്നതിന് സാധ്യതയുണ്ട്. 2001-ലാണ് ആദ്യമായി HMPV സ്ഥിരീകരിക്കപ്പെട്ടത്.

HMPV: പ്രധാന ലക്ഷണങ്ങൾ

HMPVയുടെ ലക്ഷണങ്ങൾ ശ്വാസകോശത്തെ ബാധിക്കുന്ന മറ്റ് രോഗങ്ങളുമായി സമാനമാണ്. സാധാരണ കാണപ്പെടുന്ന ലക്ഷണങ്ങൾ:

• പനി
• ചുമ
• ജലദോഷം
• തൊണ്ടവേദന
• ശ്വാസതടസ്സം

വൈറസ് ബാധ ഗുരുതരമായാൽ ന്യൂമോണിയ പോലുള്ള സങ്കീർണ്ണതകൾക്കും കാരണമാകാം. HMPVയുടെ ഇൻക്യുബേഷൻ കാലയളവ് സാധാരണയായി 3-6 ദിവസം വരെയാണ്. രോഗലക്ഷണങ്ങളുടെ ദൈർഘ്യം അണുബാധയുടെ തീവ്രതയനുസരിച്ച് വ്യത്യാസപ്പെടുന്നു.

China-യിൽ നിന്നും ഉയർന്നുവരുന്ന ഈ പുതിയ വെല്ലുവിളി ലോകത്തിന് മുന്നിൽ വീണ്ടും ഒരു ആരോഗ്യ പ്രശ്‌നമായി മാറുമോ എന്ന് വേഗത്തിൽ മനസിലാക്കേണ്ടതാണ്.