ഡബ്ലിനിൽ ഗാർഡയുടെ വൻ ഓപ്പറേഷൻ: മയക്കുമരുന്നും ആയുധങ്ങളും വൻ തോതിൽ പിടികൂടി

ഡബ്ലിനിലെ വടക്കൻ മേഖലയിൽ ഗാർഡ നടത്തിയ വൻതോതിലുള്ള പരിശോധനയിൽ ആയുധങ്ങളും €400,000 മൂല്യമുള്ള മയക്കുമരുന്നുകളും ഡിസൈനർ വാച്ചുകളും വസ്ത്രങ്ങളും വ്യവസായ ഉപകരണങ്ങളും പിടികൂടിയതായി റിപ്പോർട്ട്. ഗാർഡയുടെ മിന്നൽ പ്രവർത്തനത്തിൽ മൂന്നു പേരെ അറസ്റ്റ് ചെയ്തിട്ടുണ്ട്.ഇവ പരിശോധനകൾ കൂളോക്, റഹേനീ എന്നിവിടങ്ങളിലെ ക്രിമിനൽ സംഘങ്ങളെ ലക്ഷ്യമിട്ട് നടന്ന ഒരു വമ്പൻ ഗാർഡാ ഓപ്പറേഷന്റെ ഭാഗമായിരുന്നു. പരിശോധനയിൽ 160,000 യൂറോ വിലമതിക്കുന്ന കഞ്ചാവും 22,000 യൂറോ വിലമതിക്കുന്ന കോക്കെയിനും പിടിച്ചെടുത്തു. കൂടാതെ, 161,000 യൂറോ വിലമതിക്കുന്ന ഡിസൈനർ വാച്ചുകളും വസ്ത്രങ്ങളും, 30,000 യൂറോയുടെ വ്യവസായ ഉപകരണങ്ങളും പിടികൂടി. മയക്കുമരുന്നുകൾ ഫോറൻസിക് പരിശോധനയ്ക്ക് അയച്ചതായി ഗാർഡ അറിയിച്ചു.

പരിശോധനയുടെ ഭാഗമായുള്ള വാഹനങ്ങളും ആയുധങ്ങളും പിടിച്ചെടുത്തിട്ടുണ്ട്. കൂടാതെ, വ്യാജ ക്ലെയിമുകൾ കണ്ടെത്തുകയും അതുമായി ബന്ധപ്പെട്ട വിശദമായ അന്വേഷണങ്ങൾ നടത്തുകയും ചെയ്യുമെന്ന് ഗാർഡ വ്യക്തമാക്കി.

20 വയസുകാരനായ ഒരാളെ ക്രിമിനൽ ജസ്റ്റിസ് ആക്ട് പ്രകാരം അറസ്റ്റ് ചെയ്ത് ചോദ്യം ചെയ്യലിനൊടുവിൽ കുറ്റം ചുമത്തി. 20-കളിലും 30-കളിലും പ്രായമുള്ള രണ്ട് പേരെയും അറസ്റ്റ് ചെയ്ത് കഴിഞ്ഞ രാത്രിയിൽ ക്രിമിനൽ കോടതിയിൽ ഹാജരാക്കിയിട്ടുണ്ട്.

ഈ ഓപ്പറേഷനിൽ 150-ൽ കൂടുതൽ ഗാർഡ ഉദ്യോഗസ്ഥർ പങ്കെടുത്തു. ഗാർഡ ഡോഗ് യൂണിറ്റ്, ആംഡ് സപ്പോർട്ട് യൂണിറ്റ്, ഗാർഡാ ഓപ്പറേഷണൽ സപ്പോർട്ട് യൂണിറ്റ് തുടങ്ങിയവയുടെ പിന്തുണയും ഗാർഡാ നാഷണൽ പബ്ലിക് ഓർഡർ യൂണിറ്റിന്റെ സഹകരണവും ഉണ്ടായിരുന്നു. കേസിന്റെ കൂടുതൽ അന്വേഷണം നടക്കുകയാണെന്ന് ഗാർഡ അറിയിച്ചു.