ഡബ്ലിനിലെ ഗതാഗത ചരിത്രത്തിൽ നിർണായക പങ്കുവഹിച്ച 46A ബസ്, ഇന്നലെ അവസാന യാത്രയ്ക്ക് ശേഷം പ്രവർത്തനം അവസാനിപ്പിച്ചു. ഏകദേശം ഒരു നൂറ്റാണ്ടമായി നഗരത്തിലുടനീളം സേവനം നൽകിയ 46A, ഇരുപതാം നൂറ്റാണ്ടിന്റെ തുടക്കത്തിൽ ആരംഭിച്ച ഐകോണിക് സർവീസായിരുന്നു.ഇനി മുതൽ, ബസ് കണക്റ്റ്‌സ് പദ്ധതിയുടെ ഭാഗമായുള്ള പുതിയ 24-മണിക്കൂർ സർവീസ് ഈ റൂട്ടിൽ ലഭ്യമാകും.
1926-ൽ ആരംഭിച്ച 46A, ബഗറ്റെൽ എന്ന ബാൻഡിന്റെ പ്രശസ്തമായ ഗാനം ‘Summer in Dublin’ വഴി വിശേഷമായ പ്രചാരവും നേടിയിരുന്നു. ഡബ്ലിനും Dún Laoghaire നും ഇടയിൽ ഏറ്റവും കൂടുതൽ യാത്രക്കാരെ സഞ്ചരിപ്പിച്ച ജനപ്രിയ സർവീസായിരുന്നതും ഇതിന്റെ മഹത്തരതയെ അടിവരയിടുന്നു.
ഇന്ന് മുതൽ 46A ബസ് റൂട്ടിന് പകരം, നാഷണൽ ട്രാൻസ്പോർട്ട് അതോറിറ്റിയുടെ ബസ് കണക്റ്റ്‌സ് റീ-ഡിസൈൻ നെറ്റ്‌വർക്ക് പദ്ധതിയുടെ ഫേസ് 6a ഭാഗമായ E-സ്പൈൻ സർവീസ് പ്രവർത്തനം ആരംഭിക്കും. ഈ സർവീസ് 24-മണിക്കൂറും ഉപഭോക്താക്കൾക്ക് ലഭ്യമാകും.
പുതിയ മാറ്റങ്ങൾ, പ്രത്യേകിച്ച് വൈകുന്നേരങ്ങളിലും വാരാന്ത്യങ്ങളിലും, ഉപയോക്താക്കൾക്കുള്ള സൗകര്യവും യാത്രാ കഴിവും വർധിപ്പിക്കുമെന്നാണ് പ്രതീക്ഷ. അധിക ബസുകളുടെ സാന്നിധ്യം, സേവന സമയം നീട്ടിയുള്ള പ്രവർത്തനം എന്നിവ കൂടുതൽ യാത്രക്കാരെ ആകർഷിക്കുമെന്ന് അധികൃതർ വ്യക്തമാക്കി.
Add comment
Comments